Тегелтија: Расте расположението во БиХ за „мини Шенген“
Претседателот на Советот на министри на Босна и Херцеговина, Зоран Тегелтија, смета дека во земјата е создадена атмосфера за прифаќање на иницијативата за влез во „мини Шенген“, јави дописникот на МИА од Белград.
Тој потсети дека во моментот кога иницијативата „мини Шенген“ беше иницирана од претседателот на Србија Александар Вучиќ и премиерите на Македонија и Албанија, Зоран Заев и Еди Рама, таа не беше поддржана од властите во БиХ и Црна Гора, бидејќи се сметаше дека е потребно да се оди понатаму кон членство во ЕУ, а дека „мини Шенген“ претставува затворање во границите, но посочува дека сега расположението по тоа прашање се менува.
Како што изјави Тегелтија за Танјуг, на Самитот во Софија, креиран е нов т.н. заеднички регионален пазар, кој во суштина презема два проекта – едниот е „мини Шенген“, а другиот е Повеќегодишниот акциски план за регионалн економска област, што БиХ го има потпишано.
-Се надевам дека ова свикување на Европската комисија и лидерите на западните земји ќе ја сменат нивната позиција во однос на Западен Балкан и ќе му овозможат на регионот да стане составен дел од семејството на европските земји, каде што припаѓаме, географски, културно и на секој друг начин, кажа Тегелтија.
Истовремено, тој нагласи дека мора да се искористат сите предности на заедничкиот регионален пазар со цел Западниот Балкан да биде подготвен за влез во ЕУ, без разлика колку брзо ќе се приклучат земјите.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка