Тедрос: Сиромашните земји добиле само 0,3 проценти од вакцините
Директорот на Светската здравствена организација Тедрос Аданом Гебрејесус предупреди дека вакцините против Ковид 19 сè уште се недостапни за сиромашните земји.
Тедрос во изјавата по повод одбележување на првата годишнина од воспоставување на глобалниот систем Ковакс, рече дека ширум светот досега се примени скоро 900 милиони дози вакцини, но повеќе од 81 процент отишле во побогатите земји, додека земјите со низок стандард добиле само 0,3 проценти од таа количина.
Директорот на СЗО повеќе пати ги осуди нееднаквостите во дистрибуцијата на вакцините и ги повика побогатите земји да ги споделат вишокот дози што ги имаат за да помогнат во имунизацијата на здравствените работници во сиромашните земји.
Повеќе од три милиони луѓе починаа во пандемијата, а Ковакс, кој досега испорача 40,5 милиони дози во 118 земји, има за цел да обезбеди две милијарди дози до крајот на годината.
Ковакс, кој заедно во водат Светската асоцијација за вакцини (GAVI) и СЗО, вчера соопшти дека работи на зајакнување на снабдувањето со вакцини за сиромашните земји од нови производители, што ќе го олесни проблемот со снабдување на вакцината на Астра Зенека од Индија, која ја зафати новиот бран на епидемија и втор ден регистрира рекорден број на нови случаи во целиот свет, со повеќе од 330.000 заразени.
Ново на Сител
-
Во Југоистокот на државата запишани 1547 болни и изнемоштени лица
-
ВО ЖИВО: Подготовки во ДИК
-
Гласање во затвор „Идризово“, запишани 887 избирачи
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште