Македонија
12. October 2016 - 14:27

Театар Комедија во новата сезона со претстави и в недела

Во новата сезона Театар Комедија го збогатува репертоарот и го воведува денот недела како ден во кој ќе се случува театар.

Како што информира Тетар Комедија, во неделите ќе гостуваат приватни проекти кои се во жанрот на комедијата.

Акцијата „Среќна недела“ почнува в недела, 16 октомври со претставата „Приказните на заборавените претци“ во продукција на Народен театар Слојштица.

Претставата „Приказните на заборавените претци“ е во режија на Андреј Цветановски, а во неа играат Дамјан Цветановски, Тони Денковски, Сергеј Димовски и Исидор Јованоски.

„Приказните на заборавените претци“ е премиерно изведена на 28 август во село Слоештица како дел од фестивалот Славење на пирејот. Материјал за создавање на претставата се приказните пренесувани од Дедо Илија Кочовски.