Тамара: Отидовме, видовме, победивме – се чувствуваме како победници
Отидовме, видовме, победивме. Ова е резултат на тимска работа, многу љубов и посветеност, рече Тамара Тодевска пред нејзините фанови кои дојдоа да ја пречекаат на Скопскиот аеродром по успешниот настап и освоеното осмо место на евровизиското финале во Тел Авив.
– Извинете што ме чекавте долго, не беше до нас тоа што доцневме. Ова се што го гледавте и што го доживеавме сите заедно е резултат на тимска работа, на многу љубов и посветеност. Напорно работевме три месеци и последниот ден во финалето сфативме дека се вредеше, изјави Тамара.
Таа се заблагодари за пречекот и за поддршката од тимот што ја придружуваше.
-Направивме добар резултат, иако искрено очекувавме повеќе, но добро поминавме. Се надевам дека сте горди. Многу сум среќна што се обединивме овие неколку дена, заедно славевме музика, љубов, нешто што ретко се случува. Многу сум среќна сум што ви го овозможив тоа и се надевам отворивме пат за следните претставници, да им биде полесно, зашто сега кога ќе се спомне Македонија нема да им биде сеедно, порача Тамара.
За преживеаните моменти од гласањето рече дека буквално 45 минути не дишеле, не биле свесни што се случува.
Тамара Тодевска со освоеното осмо место го забалежа најдобриот пласман на земјава откако учествува на Евровизија од 1998 година. Претходно, најуспешен настап имаше Елена Ристеска со „Нинанајна“ во 2006 година кога беше 12-та. Последниот, пак, македонски претставник во финале беше Калиопи со песната „Црно и бело“ пред седум години на 57.Евровизија, што се одржа во Баку, Азербејџан.
Тамара на финалната вечер на Евровизија во текот на речиси целото гласање беше на врвот на табелата. По гласањето на стручните жирија заврши на второто место со 237 поени, зад Шведска со 239 бодови, но на крајот по пребројувањето на гласовите од публиката се пласираше на осмото место.
Северна Македонија доби максимални 12 поени од Австрија, Велика Британија, Албанија, Молдавија, Србија и Швајцарија.
На годинашниот избор за песна на Евровисија што се одржа во Тел Авив, Израел, победи холандскиот претставник Данкан Лоренс со песната „Arcade“. Второпласирана е Италија, а третото место го освои претставникот на Русија. Четвртото место го освои Швајцарија, а петтото Норвешка. Во финалето настапија 26 земји, а можеа да гласаат сите учесници односно 41 земја.
Тамара четврти пат учествуваше на Евровизија, но првпат како солист.
Aвтори на песната „Proud“ со која настапи во Тел Авив се Роберт Билбилов, Дарко Димитров и Лазар Цветкоски, а текстот е на Коста Петров и Сања Поповска. Придружни вокали беа Александра Јанева, Антонија Гиговска и Васил Гарванлиев.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај