Талат Џафери избран за претседател на Собранието
Со 62 гласа "ЗА" и 43 "ПРОТИВ" Талат Џафери е избран за претседател на Собранието. Ова е негов втор мандат на позицијата, согласно со коалицискиот договор СДСМ - ДУИ. Против неговиот реизбор гласаа пратениците од ВМРО-ДПМНЕ, Алијанса за Албанците и Алтернатива и од Левица. Од ВМРО-ДПМНЕ истакнаа дека Собранието под палката на Џафери било неефикасно, Деловникот бил постојано прекршуван, а забелешки имаа и за носењето на законите по скратена постапка и со европско знаменце во изминатиот период.
Против беа и од Алијансата за Албанците, кои ја напуштија Големата сала при гласањето, во знак на револт од, како што истакна пратеникот Скендер Реџепи, нелегитимноста на ДУИ поради украдените гласови на изборите. Џафери не доби поддршка ниту од двајцата пратеници на Левица. По изборот на Џафери, се очекува во наредните дена да биде закажана и седница на која мандатарот Заев ќе го поднесе предлогот за новата Влада кој треба да биде изгласан со мнозинство од вкупниот број на пратеници.
Горан Симоновски
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација