Тахири ја отфрли можноста за приклучување на Русија во дијалогот меѓу Белград и Приштина
Министерката за дијалог во косовската Влада, Едита Тахири денеска ја отфрли можноста за вклучување на Русија во дијалогот за нормализација на односите меѓу Белград и Приштина со посредништво на ЕУ.
- Иако Косово би го поздравило потенцијалното приклучување на САД и Германија во дијалогот, учеството на Русија би било „неприфатливо“, изјави Тахири.
Министерката за дијалог во косовската Влада ја даде оваа изјава откако српските медиуми објавија дека во дијалогот меѓу Србија и Косово до крајот на годината би можело да се вклучат и нови „играчи“ од Германија и САД, доколку со тоа се согласат двете страни, како и дека Белград би можел да бара приклучување на Русија.
Се шпекулира дека разговорите со српските и косовските претставници во иднина, во името на ЕУ оперативно ќе ги води многу искусен германски политичар, а Вашингтон ќе биде во улога на „набљудувач на процесот“.
Високата претставничка на ЕУ за надворешна политика и безбедност Федерика Могерини би останала главен медијатор на дијалогот.
Ново на Сител
-
Вештачењето откри - Избришани повици и пораки од телефонот на мајката на исчезнатата Данка
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто