Тачи тврди дека Западот не може да ја убеди Србија да го признае Косово
Претседателот на Косово Хашим Тачи нагласи дека западните сојузници на Косово не можеле до денес да ја убедат Србија да ја признае независноста на Косово. Тие не можат да гарантираат дека тоа ќе го сторат ниту во блиска иднина.
Во авторски текст објавен на неговиит веб-сајт, Тачи наведува дека признавање на Косово од страна на Србија е главна пречка за евроатланскиот пат на Косово.
– Некој може да каже дека Србија треба да го признае Косово без условувања и во рамки на сегашните граници. И јас го сакам истото. Но, дали мисите дека ние ќе ја убедиме Србија да направи такво нешто набрзо? За жал, не. А, ЕУ и нашите сојузници САД, Германија, Британија, Франција, Италија и многу други држави дали мислите дека тие ќе ја убедат Србија да го признае Косово: Повторно одговорот е – не.
Според него, договорот меѓу Белград и Приштина може да се постигне само доколку двете страни направат компромис.
Тој повторно предлага опција за корекција на границите со Србија.
– Аргументирав дека евентуален договор за мирна корекција на границите со Србија, на Косово му обезбедува признавање од страна на Србија и припојување на Прешево, Бујановац и Медвеѓа на нашата држава. Очекував рационални противаргументи, но до денес слушнав само бучава и во најлош случај омраза. Косово е многу мала држава за да произвдедува толку многу омраза што го дели нашето општество, наведува тој.
Скептиците ги уверува дека нема да има корекција на границата долж етнички линии, заминување на население ниту домино ефект што се однесува до стабилноста во тој дел од Европа.
– Времето на војни меѓу Србија и Косово според мое убедување помина. Но, крајот на оваа епоха може да се констатира само ако постигнеме конечен договор меѓу Косово и Србија, нагласува Тачи.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.