СЗО ги објави податоците за Северна Кореја која уште тврди дека нема заразени од коронавирус
Северна Кореја, која тврди дека сè уште нема ниеден потврден случај на ковид-19, вели дека продолжува да ги тестира граѓаните за коронавирус и дека повеќе од 500 лица се ставени во карантин, соопшти денес Светската здравствена организација.
СЗО, која вели дека добива „неделни вести“ од Министерството за здравство на Северна Кореја, рече дека земјата има капацитети за тестирање во националната референтна лабораторија во Пјонгјанг.
„Од 2 април тестирани се 709 лица, 11 странци и 698 граѓани на Северна Кореја. Нема потврдени случаи на коронавирусот. 509 лица се во карантин, од кои двајца се странци“, одговорил по мејл Едвин Салвадор, претставник на СЗО во Северна Кореја.
„Од 31 декември, 24.842 лица се пуштени од карантин, вклучувајќи 380 странци“, додаде тој.
СЗО била известена дека Северна Кореја во јануари од сојузничка Кина примила опрема потребна за дијагностички тестови, а СЗО ѝ испратила резерви заштитна опрема.
На официјалната веб-страница на институтот Џон Хопкинс се наведува дека над 1,43 милиони луѓе низ светот се заразени, а над 82.000 починале во 184 земји и територии. Нема потврдени случаи во Северна Кореја, Лесото, Таџикистан, Туркменистан и Јемен, меѓу другите.
Експертот за човекови права на ООН повика на укинување на меѓународните санкции кон земјите, вклучително и Северна Кореја, за да се обезбеди дека снабдувањето со храна се испраќа до гладните популации за време на пандемија. Санкциите на Северна Кореја ѝ се воведени поради нуклеарните и балистичките програми.
Некои странски експерти се сомневаат во податокот дека Северна Кореја, која граничи со Кина и Јужна Кореја, обете земји силно погодени од епидемијата, нема откриено ниеден случај на ковид-19.
Северна Кореја ги засили граничните контроли и воведе карантин.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри