Светлата на Ајфеловата кула ќе бидат исклучени во чест на жртвите од нападот во Египет

Градоначалничката на Париз Ан Идалго изјави дека осветлувањето на Ајфеловата кула ќе биде изгаснато на полноќ во спомен на жртвите при нападот на џамија во Египет.

Идалго изрази сочувство до семејствата на жртвите и поддршка за повредените. Таа рече дека гаснењето на светлата на Ајфеловата кула ќе биде порака на солидарност од францускиот главен град, кој, исто така, страдаше од терористички напади во последниве години.

Францускиот претседател Емануел Макрон преку Твитер изрази сочувство до жртвите на нападот, при кој загинаа 235 лица, а 109 беа повредени.