Светиот крст се фрлаше на неколку локации во Карбинци и Пробиштип
Традицијата со положување на Светиот крст во водите на река Брегалница продолжи во Општина Карбинци. Во селото Долни Балван крстот го фати Виктор Саздовски. Тој посака годината да донесе многу здравје, среќа и берикет.
– Ова е втора година како се фрлам, пар пат го фаќам, вели Саздовски
Градоначалникот на Општина Карбинци, Виктор Паунов посака мир, здравје, среќа на сите граѓани, а со подарок му честиташе и на среќникот кој го извади крстот од водите на Брегалница во село Долни Балван.
– На наше огромно задоволство оваа година ја продолжуваме традицијата која имаше прекин во претходната година заради оваа пандемија. Му честитам на Виктор, нека дава Бог здравје, среќа, бериќет и нека продолжи оваа традиција и во годините понатаму, рече Паунов.
Светиот крст во Општина Карбиници годинава се положуваше на три места Карбинци, Долни Балван и за прв пат во приватен базен во село Таринци. Во Карбинци среќникот кој го фати крстот е Ивица Мицевски, а во Таринци е Александар Андонов.
Градоначалникот на Општина Пробиштип, Драган Анастасов истакна дека празникот Богојавление-Водици го чествувале со свечена литургија во храмовите во Злетово и Пробиштип и со фрлање на светиот крст.
Годинешните среќници кои го фатија крстот се Бобан Јованов во Злетово и Владимир Заровски во Пробиштип.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица