Сугарески очекува патот Ранковце-Крива Паланка да биде завршен согласно договорот
Министерот за транспорт и врски Горан Сугарески очекува изградбата на експресниот пат Ранковце-Крива Паланка да заврши во предвидениот рок согласно договорот.
Патот почна да се гради во јуни годинава и согласно договорот треба да заврши во рок од три години.
- Градежните работи се во тек. Очекувам во наредниот период да се зголеми динамиката на работа и овој експресен пат да биде завршен во рамките на договорот, изјави Сугарески, кој денеска заедно со градоначалникот на Ранковце, Ивица Тошевски извршија увид во градежните активности.
Според Сугарески, со овој експресен пат ќе се овозможи брза врска на Пан-европскиот коридор 8, а со тоа ќе се отворат и можности за подобрување на економските врски со Европската унија.
- Покрај регионално поврзување, со комплетирање на Коридор 8 и создавање на модерна патна мрежа ќе придонесеме за брз и безбеден транспорт на стоки и услуги и ќе им овозможиме на домашните компании полесно да се пробијат на нови пазари. Во таа насока го потпишавме и договорот со ЕБОР за реконструкција и проширување на патот од Крива Паланка до граничниот премин Деве Баир, со што создаваме комплетно нова патна делница на овој Коридор од значење не само за нашата земја, туку и за целиот регион, рече Сугарески.
Експресниот пат Ранковце–Крива Паланка е со вкупна должина од 25 километри, а инвестицијата чини 58,5 милиони евра.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово