Сугарески на средба со Галовеј: Во тек е силен инвестициски циклус во инфраструктурата
Министерот за транспорт и врски Горан Сугарески денеска се сретна со британската амбасадорка во Македонија Рејчел Галовеј, при што ја информирал за инфраструктурните проекти што се реализираат во земјава, како и реформските закони што се спроведуваат во насока на усогласување со европската регулатива.
На средбата, како што соопшти Министерството за транспорт и врски, министерот информираше дека во тек е силен инвестициски циклус во инфраструктурата и ја отвори можноста за соработка со компании од Велика Британија.
– Разговаравме за проектите што ги реализираме во делот на инфраструктурата. Се надевам дека сите заинтересирани компании од Велика Британија ќе пројават интерес на јавните повици што ќе ги објавиме во наредниот период за реализација на капиталните проекти во земјата, изјави министерот Сугарески.
Министерот изрази благодарност за досегашната соработка и поддршката што Велика Британија и ја дава на Република Македонија, се додава во соопштението.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари