Сугарески: Инвестираме 1,3 милиони евра во рехабилитација на патот Фурка-Богданци-Гевгелија
Инвестираме 1,3 милиони евра во рехабилитација на регионалниот пат Фурка – Богданци – Гевгелија и милион евра за реконструкција на патот Смоквица – Прдејци, со што решаваме еден од најголемите проблеми на жителите во овој регион, истакна министерот за транспорт и врски, Горан Сугарески при денешната посета на општина Богданци.
Според Сугарески, се работи на подобрување на целокупната патна мрежа во регионот.
– Ќе ја реконструираме делницата на автопатот од Гевгелија до граница, што практично е делот што недостасува за да имаме комплетно модернизиран автопат на Коридорот 10. Унапредувањето на инфраструктурата во државата и понатаму останува стратешки приоритет на Владата. Во таа насока продолжуваме со оние крупни инвестиции што ги најавивме: рехабилитирање на преку 400 километри патишта, гасификација на земјата, изградба на железницата и подобрување на комуналната мрежа, изјави министерот Сугарески, при обиколката на инфраструктурните проекти.
Како што укажа директорот на ЈПДП Зоран Китанов, Фурка – Богданци – Гевгелија е меѓу од најоштетените патишта во државата, којшто не бил реконструиран околу 50 години.
– Во овој регион го завршивме и патот од Гевгелија до Негорци, а на барање на граѓаните ќе го реконструираме и прошириме делот од Богородица до Богданци и ќе ја реконструираме обиколницата на Богданци. Проектната документација за овие проекти е во тек и веднаш по нејзиното завршување, некаде во септември, ќе бидат распишани јавни повици за избор на изведувач и ќе се започне со градежните работи. Во периодот што следува, по завршувањето на туристичката сезона, планираме со отпочнување на уште два проекти, а тоа е рехабилитација на патот од Стар Дојран до граница и од Раброво кон Фурка, рече Китанов.
Набројувајќи ги активностите на терен, потенцираше дека за само година и два месеца почна првото пробно асфалтирање на експресниот пат Штип – Радовиш, почнати се и работите од Крупиште до Кочани, а привршува изградбата на делницата од Штип до Крупиште.
Како што истакнаа градоначалниците на Богданци и Гевгелија Сашо Поцков и Блаже Шапов, унапредувањето на патната инфраструктура е од особено значење за граѓаните и за економски развој на регионот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово