Судскиот совет дозволи повторување на постапката за разрешувањето на Митриновски
Судскиот совет на Република Македонија дозволи повторување на постапката против Јордан Митриновски - судија на Апелацискиот суд Скопје, по донесена пресуда на Европскиот суд за човекови права во која е констатирана повреда на член 6 од Конвенцијата за заштита на човекови права и основните слободи, се вели во соопштението од Судскиот совет на РМ.
Во него се додава дека согласно член 80 став 3 од Законот за Судски совет на Република Македонија формирана била Комисија за спроведување на постапката, која во текот на годинава закажала расправи за 27 февруари, 24 април и 11 мај, што ги одложила по барање на Јордан Митриновски и неговите бранители.
Расправата закажана за 21 ноември годинава Комисијата ја одржала во присуство на подносителот на барањето за утврдување на нестручно и несовесно вршење на судиската функција, а во отсуство на судијата уредно повикан.
Постапката пред Судскиот совет е отворена по повеќе од две години од пресудата на Европскиот суд за човекови права, донесена во 2015 година, според кој, разрешувањето на Митриновски било спроведено во пристрасна постапка.
Митриновски беше разрешен поради одлуката да го пушти од притвор тутунскиот бос Бајруш Сејдиу со кауција.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка