Судири меѓу косовската опозиција и полицијата
Косовската полиција попладнево успеа да ги растури и избрка 150-ната поддржувачи на опозицијата од пред зградата на Парламентот, откако овие фрлаа камења врз неа, јави Танјуг.
Во пленарната сала на косовскиот Парламент пратениците на опозицијата денеска повторно фрлија солзавец, обидувајќи се да извршат притисок врз Владата да се откаже од спогодбата со Србија и Црна Гора, пренесоа американските медиуми.
Демонстрантите искршија повеќе прозорски стакла на зградата на Парламентот, која е испрскана со црвена боја.
Засега нема никакви податоци за повредени лица. Тројца од демонстрантите се уапсени.
Судирите меѓу демонстрантите и полицијата се пренесоа и на други места од главниот град Приштина. Еден автомобил е запален, а уште шест претрпеа друг вид на оштетувања.
Демонстрантите со контејнери за ѓубре се обиделе да ги блокираат улиците низ градот.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност