Субвенции за овоштарите од почетокот на наредната недела
Министерството за земјоделство, шумарство и водостопанство соопшти дека денеска се изготвени решенијата за исплата на 544 овоштари во висина од 28 милиони денари. Производителите ќе ги добијат парите на почетокот на следната недела.
- Ги информираме и останатите земјоделци дека освен за овоштарство, изготвени се и решенијата за исплата на субвенции за лозарство и за штетите од невремето во општина Гази Баба. Исплатата и на овие субвенции ќе биде на почетокот на следната недела, соопшти попладнево МЗШВ.
Министерството истакнува дека е свесно за состојбата во која се наоѓаат овоштарите од преспанскиот регион и дека поради тоа се прават напори да им се излезе во пресрет на земјоделците и на нивните барања.
Во врска со исплатата на обесштетувањето за ланските пролетни мразеви во преспанскиот регион, Министерството соопшти дека подготвило Информација која ќе се разгледува на една од следните седници на Владата.
- Министерството за земјоделство, шумарство и водостопанство продолжува да работи во интерес на земјоделците и земјоделското производство како важна стратешка гранка. Владата на Република Македонија ќе делува континуирано во делот на интервенциите и решавање на проблемите во земјоделството, тогаш кога ќе биде потребно, се посочува во соопштението.
Ново на Сител
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас
-
Преглед на вестите од светот
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид