Студија: Нуклеарна војна меѓу Индија и Пакистан би можела да однесе до 125 милиони животи за само неколку дена
Нуклеарна војна меѓу Индија и Пакистан би можела да однесе до 125 милиони животи за само неколку дена. Со тоа ќе се надмине бројката на жртви од Втората светска војна, се наведува во нова научна студија.
Научната студија беше објавена во научното списание Сајенс Адвансиз. Студијата предвидува голем број смртни случаи, затоа што во случај на таков конфликт, глобалните температури би можеле да паднат на нивоа споредливи со последното ледено доба.
– Таква војна не само што ќе ги загрози местата каде би се фрлале бомби, туку целиот свет, вели коавторот на студијата и професор на Универзитетот Руџерс, Алан Робок.
Секое детонирано нуклеарно оружје би можело да уништи дури 700.000 животи, според студиите за симулација на компјутер, додека експлозиите би можеле да испратат саѓи и остатоци во атмосферата со што би се предизвикала „нуклеарна зима“ што ќе доведе до брзо паѓање на температурите, уништување на земјоделските култури и на крајот до масовно гладување.
Тоа би била невидена војна во човештвото, изјави главниот автор на студијата, Брајан Тон, кој помогна во измислување на терминот „нуклеарна зима“ работејќи со тим истражувачи во осумдесеттите години на минатиот век.
Иако во Индија и Пакистан во моментов има околу 300 нуклеарни оружја, студијата вели дека бројот би можел да достигне 500 до 2025 година.
Тоа е година што истражувачите ја предвидоа, според компјутерски симулации, кога би можела да избувне нуклеарна војна.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје