-->
-->
Студентите бараат функционално и независно студентско организирање
-->
По спроведени консултации на четири универзитети во Македонија студентите денеска на тркалезна маса ги споделија препораките за студентското организирање и побараа независни и функционални студентски парламенти.
- Студентското организирање ја отвори пандорината кутија на УКИМ. Се покажа дека Универзитетот не сака да им помогне на студентите. Оние студенти кои седат во Студентскиот парламент и ги бранат правата на студентите, треба да бидат и одговорни. Студентскиот парламент мора да биде тело во рамките на универзитетот, затоа што така ќе добиеме поголема кохезија. Студентите треба да знаат што е право на глас, односно да научат да го користат, а при тоа да не бидат тепани од комисиите, како што се случи минатиот пат. Се надевам дека ова е последна конференција на која се зборува за студентското организирање и дека конечно нешто ќе почне нешто да се менува, рече Деа Здравковска од Студентски пленум.
Министерката за образование и наука Рената Дескоска вели дека со новото студенстко организирање ќе се отворат вратите на демократијата во амфитеатрите и аулите со цел, како што рече, да се чуе гласот на студентите.
- Амфитеатрите се школи за демократија, искуството што ќе го стекнат студентите низ ваквите демократски практики ќе ги научи како понатаму да се борат и да ги застапуваат своите права. Мојата цел ќе биде автономија во однос на сите и во однос на слобода на истражување, слобода на мисла и се она што значи автономија во рамки на универзитетот. Новото тело треба да биде тело во рамки на универзитетот ослободено од секакви партиски влијанија, рече министерката.
Во диксусијата учествуваше и пратеникот Петар Атанасов, кој истакна дека и студентското организирање е процес, а сите процеси, како што рече, течат. Ако во една точка сме задоволни од нешто, посочи, во следна или касниме или имаме простор за подобрување.
- Нашето општество не го положи испитот во однос на младите, или заборавивме или не сакавме да размислуваме за младите – особено сегметот за студентското организирање. Општеството немаше вредности кои младите ги учеа, или младите учеа погрешни вредности. Сите заедно и на ист терен мора да изнајдеме решение, рече Атанасов.
Дискусијата беше организирана од Младински образовен форум и Фондација Отворено општество – Македонија.
-->
-->
-->
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација