Студени утра, во текот на денот потопло

Времето во Македонија ќе биде сончево со умерена, а во текот на денот во западните и крајните источни делови повремено и значителна облачност. Ќе дува слаб ветер од променлив правец.

Утринската температура ќе се движи од минус три до 11, а дневната од 16 до 23 степени.

Во Скопје ќе биде сончево со умерена облачност.

Утринската температура ќе достигне до осум, а дневната до 21 степен.

Следува период на сончево време со умерена облачност. Утрата ќе бидат свежи, а во текот на денот ќе биде потопло со температури кои се околу просекот за овој период од годината. Услови за слаб локален дожд ќе има во среда, кога ќе дува и умерен северен ветер.