Стружани револтирани од мерките за штедење

Струга со план за штедење струја ова зима. Во поголемиот дел во општината од 22 часот се гасат уличните светилки така што градот е во тотален мрак. И додека од локалната велат дека вакви чекори се првземаат поради покачувањето на струјата и повискоите сметки за три до четири пати граѓаните се револтирани, велат дека се плашат да се движат ноќе.

Струшката гимназија „Ибраим Темо“ пак ќе штедат струја преку исклучување на дигиталната технологија,компјутерите и паметните таблети но и отстранување на  помошните грејни тела од сите простории во училиштето бидејќи како што посочуваат нафта има доволно за загреани училници.

Инаку, од 1 септември стапија на сила задолжителните мерки за заштеда на струја во државните институции. Предвидени се санкции за раководителите доколку не се почитуваат мерките.