Струшката депонија се уште гори
Струшката депонија речиси два месеца постојано гори, а поради густиот чад и непријатната миризба кои се шират низ градот граѓаните на Струга деновиве организираат протести на кои бараат итно затворање и дислокација на местото за одлагање на отпадот од градот и околните населени места.
Министерот за животна средина и просторно планирање Садула Дураку вчера, за време на посетата на општина Струга, истакна дека со одлука на Владата, Министерството за животна средина има формирано работна група за разгледување на проблемот со депонијата, во чиј состав освен од Министерството за животна средина, членуваат и претставници на министерствата за здравство, за транспорт, од Дирекцијата за заштита и зпасување и од Дирекцијата за кризи.
Дураку најави дека проблемот со депонијата во Струга ќе го решат со користење средста од ИПА фондовите.
Зоран Шапуриќ, кој е член на работната група како првични краткорочни решенија ги посочи конкретни активности за гасење на пожарот на депонијата, со ангажман на расположивата градежна механизација за конзервирање на депонијата.
Градоначалникот на Струга Забзун Мустафа изрази надеж дека со заеднички напори со Владата ќе најдат решение за ова прашање бидејќи, како што додаде, општината сама нема сила да се справи со проблемот.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите