Струмичките земјоделци се жалат на штети кај куртовската капија
Струмичките земјоделци се жалат на големи штети кај куртовската капија која е засадена на отворени површини. Според нивните проценки, поради жешкото време и дождот уништени се до 90 проценти од површините со ајварка засадени на отворено.
Претседателот на Сојузот на земјоделци од Регионалната единица во Струмица, Ванчо Митев изјави дека ситуацијата е алармантна.
- Тоа може да се види на терен, но и пред откупните центри. Ова време имаше и по 20 коли за откуп, а сега едвај по некоја и тоа од куртовска капија засадена под фолија. За жал, земјоделците не се финансиски моќни за да го осигураат родот. Ќе бараме средба со надлежните за да дискутираме за проблемот, рече Митев.
Според него, 3.500 хектари на отворена површина се засеани со ајварката.
Производителите кои го чекаат интензивирањето на откупот на индустриската пиперка, доматот и краставицата очекуваат средба со преработувачите и со Министерството за земјоделство за да ги конкретизираат активностите.
- Потребна е координација за да се избегнат проблемите со пласманот и со откупот. Сакаме да ги конкретизираме цените по кои ќе се продава родот. Најголемиот дел од нас, земјоделците, за втора култура имаат засадено производи кои и се потребни на преработувачката индустрија. Затоа е важно преку дијалог да ги утврдиме и површините кои им се потребни на конзервно-преработувачките капацитети, вели Ристо Велков, претседател на Регионалниот синдикат на земјоделски производители.
Производителите велат дека ланската година имале добар род, но немале добра откупна цена, а годинава, имаат добра цена од по 20 денари за килограм, но го изгубиле родот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација