Струмица ги празнува заштитниците на градот
По повод духовниот празник на Струмица-Светите Петнаесет Тивериополски свештеномаченици, Советот на општина Струмица одржа свечена седница, на која за значењето на празникот говореше градоначалникот Јаневски.
-И ако Светите петнаесет Тивериополски свештеномаченици ги прогласивме за заштитници на нашиот град, тогаш ајде заедно со нив да го дозаштитиме, но и да го доизградиме и да го доразубавиме. Тоа секогаш треба да го правиме со љубов, но не постои вистинска љубов кон градот ако не постои љубов меѓу нас самите. Токму затоа, време е да престанеме да се оттуѓуваме, време е да му се вратиме на човекот во нас, време е да ги рестартираме заедништвото, пријателството, толеранцијата, милосрдието и сите останати општо-човечки вредности, рече градоначалникот Јаневски.
На седницата, на која присустувваа амбасадори, претставници на Владата, пратеници, претставници на верските заедници и гости од земјава и странство, беа доделени традиционалните годишни награди.
За особен придонес во областа на спортот награда за животно дело постхумно му е доделена на Благој Истатов.
Годишни награди за особен придoнес добија Сузана Мицева од областа на книжевноста и новинарството, Зоран Петков од областа на образованието и науката, Делчо Ѓорѓиев од областа на крводарителството и хуманоста, Зоран Мазнејков од областа на музичката култура, Стојан Витанов за афирмација на општината и Биљана Гунова од областа на образованието и културата.
Празнувањата по повод денот на заштитниците на Струмица продолжуваат и во наредните денови со културни и спортски манифестации.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари