„Струмица гас“ ја намали цената на гасот
Јавното претпријатие за енергетски дејности „Струмица гас„ денеска објави дека е намалена цената за 3,2 денари за потрошен кубен метар, односно сега новата цена изнесува 31,176 денари, а претходно потрошувачите плаќаа 34,956 денари.
Според директорот Благој Милановиќ, намалувањето на цената се должи на промената на цената на природниот гас на пазарите.
-Ова намалување ќе значи многу за нашите корисници, пред се за големите потрошувачи, како што се стопански субјекти, кои го користат гасот во текот на целата година, а секако и за домаќинствата. Новата цена ќе се применува од 1 август и ќе важи до следното коригирање на цената, рече Милановиќ.
Од март годинава, од завршувањето на грејната сезона, цената на гасот е намалена за десет денари и од 41 денари цената падна на 31 денари за потрошен кубен метар.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност