Стручна дебата на тема „Безбедноста на домот преку превенција на новите закани и безбедносни ризици”
Комората на Република Северна Македонија за приватно обезбедување заедно со Министерството за внатрешни работи и Општината Охрид во рамки на проектот „Безбедно дома“, денеска, во Охрид организираат стручна дебата на тема „Безбедноста на домот-преку превенција на новите закани и безбедносни ризици”.
Како што соопштуваат организаторите, на стручната дебата ќе говорат претседателката на Комората на Република Северна Македонија за приватно обезбедување Верица Милеска Стефановска, претседателката на Советот на Општина Охрид, Живка Ангеловска, Сашо Смилески началник на СВР Охрид, и професорите Марјан Ѓуровски од Факултетот за безбедност-Скопје, Александра Деаноска Трендафиловска од Правниот факултет-Скопје и Пере Аслимоски од Факултет за туризам и угостителство. На форумот ќе се обратат и претставник на Секторот за превенција при СВР Охрид, претставници од локалните самоуправи и телата за домување, станбен и деловен простор, секторот за превенција на Министерството за внатрешни работи и други институции од безбедносниот систем на државата.
-На дебатата од повеќе аспекти ќе се говори како преку превенција на новите закани и безбедносни ризици може да се зголеми безбедноста на домот и личната безбедност на секој поединец и семејството и за значењето на примената на концептот на јавното-приватно партнерство во обезбедувањето на имоти и лица. Преку подигање на свеста кај граѓаните и навремето превземање на мерки и активности ќе се подигне важноста и одговорноста за безбедноста на домот, пред се, третирајќи ја од перспектива на правилна превенција и превземање на соодветни активности и мерки за гарантирање на максимална безбедност на домот и семејството, стои во соопштението.
Дебатата во просториите на Општина Охрид се оддржува пред сезоната на годишни одмори, кога се зголемува нарушувањето на безбедноста на домот.
Ново на Сител
-
Кривична пријава за злоупотреба на службена положба
-
Детали за кражбата на сефот во скопско Црниче: 23-годишник е еден од осомничените
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција