Страшното невреме во Порој остави без вода 400 куќи
Околу четиристотини куќи во Порој се без вода за пиење по вчерашното невреме што го зафати овој крај, информираше претседателот на месната заедница од ова тетовско село Сулејман Рамадани.
Тој посочи дека очекуваат со помош на надлежните во текот на денот да биде воспоставено водоснабдување на жителите од овој дел на Порој.
При вчерашното невреме бил однесен и импровизираниот мост во селото додека сообраќајот по регионалниот пат Тетово-Јажинце што минува под селото се одвива без проблеми.
Жителите очекуваат дека многу брзо со потребна градежна механизација ќе биде исчистено коритото на Поројска Река од надојдениот материјал – камења, земја и слично.
- Најитно треба да се исчисти коритото на реката од горниот дел до сред село бидејќи при следен посилен дожд во опасност е поголем дел од Порој, рече Рамадани.
Жителите на Порој очекуваат дека ќе се реализира и најавата од надлежните за регулирање на коритото на Поројска Река во горниот тек со изградба на каскади за да се спречи можноста од поплави и наноси на камења и земја што се повторува при секој пообилен дожд. Велат дека засега и не се знаат последиците врз земјоделското земјиште по селото, но оти дел од нивите за подолго време се оневозможени за земјоделска обработка и производство. Пред околу месец и половина наносите од земја, кал и камења при слично невреме од пороен дожд го блокираа регионалниот пат Тетово Јажинце десеттина денови, а беа зафатени и педесетина хектари земјоделско земјиште.
Ново на Сител
-
Им ветувале бесплатни водомери за да гласаат во нивно својство, пријавен случај на поткуп
-
До 13 часот во Прилеп гласале 31,41 отсто од граѓаните со право на глас
-
Излезноста до 13 часот е 26.35 отсто
-
Утре нова рунда од дијалогот Белград-Приштина
-
Во Крива Паланка излезноста на изборите до 11 часот е 24,5 отсто
-
Штипјанец и скопјанка ги фотографирале гласачките ливчиња
-
Во Велес до 11 часот излезноста на изборите е 16,34, во Чашка 15,27, во Градско 20,62 проценти
-
Ангеловски: Пронајдена испукана димна бомба на гласачко место во Скопје