Интернет
15. March 2017 - 12:43

Страшна измама на Фејсбук: Луѓето масовно добиваат пораки дека компјутерот им е хакиран, а потоа...

Корисниците на Фејсбук повторно мораат да обрнат внимание за нивната безбедност, бидејќи на социјалните мрежи се шири нова измама.
 
Досега измами се забележани во Велика Британија, а локалната полиција ги предупредува ситекорисници да внимаваат на својата безбедност.
 
Всушност, измамата се базира на вест за смрт на некоја позната личност. Откако ќе го отворите линкот, ви стигнува известување дека копјутерот ви е заразен со вирус и итно треба да се јавите на телефонскиот број 08000 698 622, каде од корисникот се бараат одредени лични податоци. Секако, овој број не треба да го повикате.
 
Британската полиција ги предупредува корисниците, доколку добијат ваква порака, веднаш да го затворат интернет пребарувачот и инсталираат антивирусна програма и секако да не го повикуваат погоре споменатиот број.
 
Засега ваков случај не е забележан во Македонија, но како што обично се случува на интернет, веројатно е прашање на време кога ќе стигне кај нас.