Стотици товарни камиони ги блокираа патиштата во Бразил, со барање за оставка на Русеф

Стотици возачи на товарни камиони вчера го блокираа движењето по автопатиштата во 12 од 26 сојузни држави на Бразил, јави ТАСС.

Учесниците во протестот упатија кон Владата барање за зголемување на платите, намалување на цената на горивото и оставка на претседателката Дилма Русеф. 

Протестите беа организирани од општественото движење Национално управување на транспортот преку социјалните мрежи.

- Ние сме аполитични, се бориме за спасување на земјата, а тоа е можно само со оставка на Дилма Русеф, без разлика дали тоа ќе го стори доброволно или преку импичмент, изјави Фабио Роки, еден од лидерите на организацијата. 

Синдикатите на транспортните работници не го поддржаа протестот.