Столтенберг: НАТО треба да го осуети военото зацврстување на Русија
НАТО треба да го осуети засилувањето на руското воено присуство во Калининград, во Црно Море и во источен Медитеран, затоа што тоа на Москва може да и овозможи контрола врз многу важни зони, изјави генералниот секретар на НАТО, Јенс Столтенберг, цитиран од француските медиуми.
Стратегиската руска енклава Калининград е разместена југозападно од балтичките републики, кои веќе се загрижени од поддршката на Москва за украинските сепаратисти. Москва, исто така, го засили своето присуство во Сирија, каде размести авиони бродови како поддршка за својот долгогодишен сојузник, претседателот Башар ал-Асад.
Столтенберг предупреди дека оваа стратегија на Русија ќе и овозможи да ги контролира стратегиските точки.
-Ова воено засилување на Русите им овозможува да можат да го забранат пристапот до некои зони, изјави шефот на НАТО во португалската военопоморска база во Троја, јужно од Лисабон, откако денеска присуствуваше на воените маневри „Единствен тризабец 2015“, најголемата воена вежба на Алијансата во последните десетина години.
„Сега прашањето е како да реагираме на овој нараснат капацитет на Русија во балтичките земји, Црното Море, а сега и во Средоземјето“, рече Столтенберг и додаде дека НАТО треба „постојано да ги зацврстува своите сили“.
Ново на Сител
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште
-
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
-
Протест во прилепскиот затвор
-
Преглед на вестите од светот