Столтенберг: НАТО ќе го продолжи дијалогот со Русија, но не на штета на одбраната на сојузниците
НАТО има намера да го продолжи дијалогот со Русија, но со целосно задржување на своите обврски за заштита на своите сојузници. Ова го изјави денеска генералниот секретар на НАТО, Јенс Столтенберг, во италијанскиот град Римини, објави ТАСС.
- Ние ќе продолжиме со напорите за градење на дијалог со Русија, но никој не треба да се сомнева во подготвеноста и во решеноста на НАТО да ги заштити своите сојузници. Целата наша заштита има исклучително одбранбен карактер и се одликува со пропорционален пристап и транспарентност, рече Столтенберг.
Тој додаде дека Алијансата не сака судири со Русија, која ја нарече најголемиот и најважниот сосед на НАТО. Столтенберг истакна дека тој лично отсекогаш верувал во конструктивниот дијалог со Русија, во име на мирниот соживот согласно нормите и правилата на меѓународната заедница.
Во Римини, Столтенберг имаше средба со италијанскиот министер за надворешни работи, Анџелино Алфано.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми