Фудбал
1. September 2016 - 15:32

Стјепановиќ: Атмосферата е на високо ниво

Фудбалерот на македонската репрезентација Остоја Стјепановиќ верува дека во овој квалификациски циклус „рисовите“ ќе бележат резултати со кои ќе се врати довербата во националниот тим.
 
Искусниот играч од средниот ред на Сласк Вроцлав вели дека добрата атмосфера во подготвителниот период ќе се пренесе и на теренот во Скадар на првиот квалификациски натпревар за СП 2018 против Албанија.
 
- Атмосферата во националниот тим е на високо ниво, ќе се обидеме тоа да го пренесеме и на теренот против Албанија. Во овој квалификациски циклус наша главна цел ќе биде да ги подобриме резултатите и да ја вратиме довербата во националниот тим. Убеден сум дека доколку не краси спортска дрскост и желба за победа можеме да ги подобриме резултатите. Противникот го почитуваме и толку, многу повеќе сме фокусирани на нашето однесување на подготовките и на исполнување на обврските што од нас ги бара селекторот, изјави Стјепановиќ за веб страната на ФФМ.