Стисни Плеј го прослави четвртиот роденден
Музичка емисија „Стисни Плеј“ која се емитува на првиот канал на јавниот сервис, вчеравечер одбележа четири години успешна работа.
Во присуство на бројни пријатели, колеги, соработници, изведувачи и автори, меѓу кои Ѓоко Танески, Роберт Билбилов, Виктор Апостоловски, Јана Бурчевска, Сара Мејс, Александар Тарабунов...се одржа голема роденденска забава во пивницата „Стар Град“ во Скопје.
- Во тек е петтата сезона на „Стисни Плеј“ и со севкупниот визуелен и содржински пакет сметаме дека во моментов за публиката ја имаме нашата најдобра верзија. Имаме млада и повозрасна публика и тоа нè прави навистина среќни, бидејќи наша целна група се сите оние љубители на квалитетна македонска музика. И благодариме на публиката која ни остана верна, а пред се на одговорните во МРТ од кои ја добивме довербата и поддршката за еден ваков проект. Им благодариме на колегите новинари кои први го препознаа нашиот квалитет, вели Марко Марк, водител и соработник на проектот.
Првото издание на „Стисни Плеј“ се емитуваше на 10 ноември 2011-та година, а оттогаш се реализирани 167 изданија. Следното 168 ќе биде посветено на четвртиот роденден на „Стисни Плеј“. Стисни Плеј премиерно се емитува секој петок со почеток во 20 часот и 15 минути, на МТВ 1.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка