Стипендии за македонски студенти на Колеџот на Европа
Секретаријатот за европски прашања потпиша Меморандум за соработка со Колеџот на Европа од Наталин, Полска со кој ќе се овозможи пристап и стипендии за македонските студенти на оваа образовна институција, размена на знаења и искуства, заеднички настани за градење капацитети и соработка за публикации и истражувања.
Државниот секретар во Секретаријатот за европски прашања Ана Блажеска, на денешната јавна презентација, рече дека Колеџот во Европа е бренд број еден во однос на европски студии и затоа е многу важно што и нашите студенти и вработени во јавната администрација ќе имаат можност на некаков начин да се вклучат во едукативните процеси на Колеџот.
- Секретаријатот за европски прашања изминатата година склучи два меморандуми за соработка со двата кампуси на Колеџот на Европа, едниот во Бриж, Белгија и другиот во Натолин, Полска. Соработката за нас значи отворање на вратите кон подобра обука за јавната администрација и идните генерации кои ќе работат во сферата на евроинтеграциите, изјави Блажеска.
Посочи дека е предвидено воспоставување на Национален комитет, со претставници од македонските институции и од Колеџот на Европа, кои што ќе вршат заедничка селекција на македонски студенти.
- Им стоиме на располагање на студентите и ние и претставниците од Колеџот на Европа за сите детали во врска со начините на аплицирање, а понатаму и во врска со начините за добивање стипендии. Покрај нашите има можност да се добие стипендија и од самиот Колеџ, рече Блажеска.
Секретаријатот за европски прашања, продолжи Блажеска, секоја година доделува стипендии „Габриела Конеска Трајковска“, кои имаат за цел да покријат едногодишни мастер студии во странство од школарина, трошоци за живот и пат во износ до 20 илјади евра.
Директорот на одделот за комуникации и регрутација на Колеџот на Европа Ричард Вашингтон, рече дека Колеџот на Европа е многу успешна институција чии студенти се водечки членови на процесот на интергација на земјите од кои доаѓаат.
- Кампусот на Колеџот на Европа привлекува голем број од светските лидери и политичари, кои се многу важни во глобалните политички процеси. Кампусот значи и ако дојдете и учите со нас ќе станете дел од нешто многу поголемо и можеби и самите придонесете на некој начин, рече Вашингтон.
Колеџот на Европа е најстар и најпрестижен институт за постдипломски студии во областа на Европската унија. Формиран е 1949 година, ангажира 230 професори и експерти од над 20 држави и има професионална алумни мрежа со повеќе од 11.500 членови.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација