Тијана во финалето заврши втора сo 26 гласови помалку од Стеван, трета беше Едита, четврта Драгана и петти Леон.
Шоуто го отворија Мира, Беи Дол и Бане со фантастичните ренесансни костими како Army of Lovers со нумерата Crucified.
Натпреварувачкиот дел го отвори Тијана како Фреди Меркјури со емотивната песна "Who wants to live forever" и "Show must go on" ја оживеа енергијата на Фреди на сцена. Тијана го избра токму овој настап зошто растела со неговата музија и тој и е омилен пејач на сите времиња.
-Секоја чест навистина. Ти благодарам за 4 месеци дружење и се што направи. Фреди Меркјури не е мачкина кашлица, рече Ѓуро.
-Ова беше феноменална нумера и ти благодарам на тоа, даде и срце и душа, ти си феноменален уметник, рече Андрија.
-Се сложувам, ти покажа навистина толку различности, шарени нумери и супер е што за вечерва го избра Фреди, ти честитам за целиот овој серијал, рече Александра.
-Ти се заслужи медал за храброст, машки го изнесе ова, рече Тончи.
Следен настапи Леон како Синан Сакиќ и донесе кафеанска атмосфера во студиото, пеејќи ги песните „Лепа до бола“ и „Еј од кад сам се родио“.
Едита како Бијонсе со песната "Run the world" блесна на сцената и танцово ја долови Бијонсе иако имаше проблем со ушната слушалица која и се откачи.
Четврта настапи Драгана Миќаловиќ која се претстави како Џенифер Лопез и нејзиниот настап од доделувањето на американските награди.
Последен финалист на сцената беше Стеван Анѓелковиќ кој влезе во кожата на Елвис Присли, го отпеа славниот хит "Always on my mind" и победи.