Стерјовски во албанскиот Парламент ја поздрави препораката на ЕК за Северна Македонија и за Албанија
Пратеникот од Македонска алијанса за европска интеграција (МАЕИ) Васил Стерјовски на денешната пленарна седница во албанскиот Парламент ја поздрави препораката на ЕК за безусловен почеток на преговорите со Албанија и Северна Македонија.
– Ја поздравуваме препораката за Албанија и за Македонија, со која се потврдува остварениот напредок во спроведувањето на реформите. Одлуката е важен и голем исчекор кон европската интеграција на двете земји, но и земјите од Западен Балкан. Нас, во Албанија, сите заедно, не очекува амбициозна и сеопфатна работа, а нужни се разговори меѓу Владата и опозицијата. Посакувано е учеството на сите национални малцинства и на албанското општество во целина, како заедничка цел, која сите не засега, рече Стерјовски.
Тој посочи дека добрососедството е критериум за европска интеграција на Република Албанија и оти таа политика мора да се унапредува со сите соседи.
– Македонците во Република Албанија и Албанците во Република Македонија се мостови на соработка и братство во вкупните македонско-албански односи, врз основниот принцип на меѓународното право на еднаква сувереност. Наша стратешка определба е договор за траен мир и добрососедство меѓу Република Албанија и Република Македонија, нагласи Стерјовски.
Тој како многу значаен го наведе фактот што Албанија годинава одбележува десетгодишнина од зачленувањето во НАТО и како што рече, останува сите заедно без оглед на етничко потекло, верско уверување, политичка припадност и социјален статус да го изодат патот на европската интеграција на Албанија во Европската Унија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка