Стерјовски му го честиташе изборот на Колефски и го повика да работаат заедно за Пустец и за сите Македонци

 

– Македонците во Општина Пустец заслужуваат пристоен и достоинствен живот. Областа на Преспа изобилува со природни убавини. Господ и природата ни дале се. За еден месец и половина, откога сум пратеник во Собранието на Република Албанија, од партијата МАЕИ  ги бранам интересите на Македонците во Општина Пустец и во цела Албанија. Во Собранието на Република Албанија повеќепати зборував за проблемите со кои се соочуваат Македонците во Општина Пустец, наведува понатаму.

 

Понатаму во честитката тој посочува дека е неприфатливо во 21 век повеќето села да немаат вода за пиење и основни услови за живот.

 

– Истовремено, на повеќето средби што ги имам остварено со министрите и претставниците на разни институции, побарав поддршка за Општина Пустец. Општината треба да изготви што повеќе проекти, да можеме конкретно да лобираме тие да се одобрат. Потребна е ефикасна општина што ќе се посвети на изготвување на проекти за водовод, канализација и локални патишта. Верувам дека заедно со Вас ќе излобираме што повеќе проекти за развој на Општина Пустец од страна на албанските институции и странските донатори, нагласи Стерјовски.

 

На крајот на честитката Стејровски нагласува дека Колефски ја има неговата целосна поддршка за соработка по сите прашања, во решавањето на сите проблеми во Општина Пустец „за подобар живот, за правата на Македонците“.