Свет
2. December 2015 - 9:09

Стејт департментот им препорача на американските граѓани да не патуваат во Мали

Стејт департментот ги предупреди граѓаните на САД да не заминуваат за Мали и им даде дозвола на диппломатите и вработените кои имаат второстепени задачи во Амбасадата да отпатуваат од земјата. 

Стејт департментот исто така ги повика Американците, кои се наоѓаат во Мали да ги преразгледаат плановите за личната безбедност и доколку можат да ја напуштат земјата.

Во предупредувањето американските граѓани се советуваат да бидат внимателни и да ги избегнуваат местата, на кои се собираат многу луѓе и кои често се посетувани од странци. 

Тешко вооружени исламистички екстремисти минатиот месец нападнаа луксузен хотел во главниот град на Мали, Бамако, при што убија 20 лица, вклучувајќи и американски граѓани. 

Стејт департментот соопшти дека одреден период американската Амбасада во Бамако ќе извршува само итни конзуларни активности.