Свет
5. September 2015 - 9:20

Стејт департментот формира работна група за проблемот со бегалците во Европа

Стејт департментот формира работна група, која ќе помогне за координирање на американскиот одговор на европската криза со мигрантите, изјави портпаролот на Стејт департментот, Џон Кирби.

Групата е создадена по барање на американскиот државен секретар Џон Кери. Таа ќе направи напори и ќе ја гарантира подготвеноста на САД за идните слични кризи ширум светот.

Кирби истакна дека САД одвоиле 26,6 милиони долари за Агенцијата за бегалци на ОН, со цел да обезбеди храна, вода и правна помош за мигрантите, кои патуваат преку Грција, Македонија и Србија.