Стејт департмент: Изборите во Русија се оддржаа во непогодни услови за слободен и фер процес
– Изборите за Државната дума на Руската Федерација на 17, 18 и 19 септември се оддржаа во непогодни услови за слободен и фер процес, а употребата на закони за „странски агенти“ и „есктермистички организации“ е ригорозно ограничувачки за плурализмот и граѓанските права во Русија, соопштија од Стејт департментот.
-Руската Влада употребува закони за „екстремистички организации, „странски агенти“ и „непожелни организации“, ригорозно ограничувачки за политичкиот плурализам кои го спречуваат рускиот народ во практикувањето на нивните граѓански и политички права, се наведува во соопштението објавено синоќа.
Се додава дека забраните наметнати од руската Влада заедно со опширните напори да се маргинализираат независните политички актери, исто така, спречија Канцеларијата на ОБСЕ за демократски институции и човекови права и нејзиното Парламентарно собрание да ги набљудува изборите, со тоа ограничувајќи ја транспарентноста која е клучна за фер избори.
Од Стејт департемнтот потсетуваат дека дејствијата на руската официјална власт се во спротивност на обврските на Русија, вклучувајќи го Меѓународниот пакт за граѓански и политички права, како и обврските кон ОБСЕ и меѓународните и регионални тела.
„Ја повикуваме Русија да ги почитува своите меѓунардои обврски, да ги почитува човековите права и основни слободи и да запре со кампањата на пресија врз граѓанското општество, политичката опозција и независните медиуми“, истакнув Стејт департментот во соопштението.
Оттаму потсетија и дека САД не признаваат оддржување избори за руската Дума на украинска суверена територија и повторно ја истакнуваат својата одлучна поддршка за територијален интегритет и суверенитет на Украина.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари