Ставрески: Повеќе патници со новата аеродромска инфраструктура и владините мерки
Македонија има најдобра аеродромска инфраструктура од сите земји во поранешна Југославија. Светскиот економски форум во последниот извештај Travel & Tourism Competitiveness споредува и рангира 141 земја во светот. Македонија се наоѓа на 59 место.
Земјава има оценка 4,7 и е подобро рангирана од Словенија,Црна Гора, Хрватска и Србија.
Ова не е прво признание на македонските аеродроми. Неодамна Александар Велики беше прогласен за деветти најдобар во Источна Европа , а во 2013 и 2014 го доби признанието најдобар мал аеродром.
Во овој период континуирано се зголемува и бројот на патници. Во првите шест месеци од 2009 имало над 270 илјади патници, а во истиот период оваа година 634 илјади или два пати повеќе.
-Рангирањето на Македонија во последниот Извештај на Светскиот економски форум како држава со најдобра аеродромска инфраструктура од земјите во поранешна Југославија е потврда дека развојот на туризмот и приказната за туристичката понуда во државава одат во добра насока. За привлекување повеќе туристи, придонесоа и мерките на Владата да се субвенционираат турооператорите кои ќе донесат туристи во Македонија со евтини билети, како и субвенционирањето на компаниите што носат туристи, подобрувањето на туристичката понуда, изградбата на нови туристички и реновирањето културни објекти, вели вицепремиерот Зоран Ставрески.
Според извештајот на СЕФ кој се објавува на секои две години најдобра инфраструктура имаат аеродормите во Сингапур, ОАЕ и Хонг Конг.
Наташа Хаџиспиркоска Стефанова
Ново на Сител
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите