Стапката на невработеност во Кина под 4 проценти
Стапката на невработеност во Кина се задржа под 4 проценти, соопшти кинеското Министерство за труд, кое информираше дека 10,97 милиони работни места биле отворени од јануари до септември годинава и дека невработеноста е на 3,95 проценти.
Министерот за труд Јин Веимин изјави дека, иако бројките се во согласност со проекциите, на Кина и се потребни по 15 милиони нови работни места, имајќи предвид дека секоја година по 8 милиони лица влегуваат на пазарот на трудот само од факултетите.
- Ниската стапка на невработеност која ја постигнавме е главно резултат на новата интернет економија и претприемништвото, и е остварена и покрај општото забавување на економијата, изјави Јин.
Бројките беа објавени за време на петгодишниот конгрес на владејачката Комунистичка Партија. Премиерот Ли Кечианг изјави дека Кина отворила над 13 милиони нови работни места во градовите во 2016 година и дека нејзината цел е да ја задржи стапката на невработеност под 4,5 проценти.
Сепак, глобалните аналитички центри честопати изразуваат сомнеж во статистичките податоци објавени од кинеската Влада, сметајќи дека властите ја бројат само невработеноста во граовите и дека ја игнорираат големата бројка мигрантски работници кои селат од регион во регион, во зависност од владините инфраструктурни политики
Ново на Сител
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар