Стабилно и суво време, утринската температура под нула, дневната во пораст
Стабилно и суво време со ниски температури следува во наредните денови. Утре на повеќе места утринските ќе бидат под нула, а дневните температури ќе бидат во постепен пораст.
Утре најстудено со минус шест степени ќе биде во Берово и Маврово, а утро под нула ќе има и во Скопје, Тетово, Охрид, Битола, Прилеп, Крива Паланка, Свети Николе, Штип и Струмица. Над нулата температурата ќе се движи во Демир Капија и Гевгелија, каде ќе достигне до три степени.
Во среда утринската ќе се движи од минус пет до три степени, во четврток од минус три до пет степени, петок и сабота од минус два до шест степени и во недела ќе се искачат во позитива и ќе се движат од нула до седум степени.
Дневните температури во овие денови ќе бидат во интервал од три до 13 степени утре, во среда од осум до 15, во четврток од 12 до 18, во петок од 11 до 17 степени, во сабота од 11 до 18 и во недела од 10 до 17 степени.
Ново на Сител
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела