ССМ бара враќање на К-15 за вработените во јавниот сектор

ССМ ќе бара враќање на К15 за јавниот сектор. Мора да се донесе еден колективен договор кој ќе важи за целата работничка класа велат од Сојузот на синдикати. Годинава е доцна за промени и овие вработени нема да добијат регрес за годишен одмор, но во идниот период  ќе се интензивираат преговорите со надлежните.

На газдите од приватните фирми им остануваат уште два месеци да си ја исполнат обврската. Јовановски вели дека новото раководство на ССМ сеуште нема податоци за тоа колку фирми не го исплатиле регресот минатата година. Апелира работодавците да не ризикуваат да бидат казнети.

Право на К15 имаат сите работници кои работеле кај ист работодавец најмалку 6 месеци. Според пресметките минималната висина на регресот годинава ќе изнесува 9000  денари. Фирмите со финансиски потешкотии во работењето имаат право да исплатат пониска сума.