Бизнис
15. July 2015 - 11:41

ССК: Синоќешниот политички договор нема да има влијание врз бизнисот

Дел од бизнис заедницата не очекува имплементацијата на синоќешниот договор меѓу владејачката партија и опозицијата да има какво било влијание врз вработувањето или инвестициите во наредниот период.

Причина за тоа, како што изјави денеска претседателот на ИКТ комората при Сојузот на стопански комори (ССК) Саша Огненовски, е долгорочноста на договорот, односно неговата примена на малку подолг период.

- Не би можеле да прогнозираме какво ќе биде влијанието на синоќа постигнатиот политички договор. Но, дологорочноста на неговата имплементација сметаме дека ќе ги ублажи влијанијата и нема да се почувствува во бизнис секторот. Ако беше кракторочен, секако ќе имаше влијание, истакна Огненовски пред јавната расправа за краткорочната ИКТ стратегија 2016-2017.