Српски инфектолог: Цела Србија е жариште, а колективен имунитет не е решение
Српскиот инфектолог Мијомир Пелемиш изјави дека стекнувањето колективен имунитет не е решение, туку решението го гледа во вакцина доколку, како што рече, коронавирусот не исчезне сам од себе.
Пелемиш, кој е член на Кризниот штаб на Владата на Србија за сузбивање на заразната болест Ковид-19, за телевизијата Прва изјави дека стекнувањето колективен имунитет е ризик, посочувајќи дека не е можно да се процени како ќе се манифестира вирусот кај секој поединец.
Според него, не е можно да се утврди колку време вирусот останува во телото откако некое лице е изложено на новиот коронавирус.
Говорејќи за почитување на актуелните мерки и препораки, Пелемиш изјави дека мерките сè уште не се почитуваат доволно, но дека граѓаните стануваат се повеќе дисциплинирани.
– Србија е целосно жариште, не знаеме кој го има вирусот, а кој не. Ние би го знаеле тоа доколку ги тестираме сите жители на Србија, но тоа е невозможно, рече инфектологот, додавајќи дека вирусот е присутен, особено во затворен простор.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО