Српски автобус се преврте на автопат во Германија, повредени се најмалку 19 лица | ВИДЕО
Најмалку 19 лица се повредени при превртување на патнички автобус на германскиот автопат А13 помеѓу Стааков и Фрајвалде во правец на Берлин, соопштија германските медиуми.
Според неофицијални информации, возачот сакал да сврти на паркингот, но удрил во заштитна ограда и излетал од патот, по што автобусот се превртел.
Германските медиуми пишуваат дека автобусот е од Србија. Патувал од Белград преку Берлин до Стокхолм. Според Билд, повеќе од 70 спасувачки возила и шест хеликоптери се вклучени во спасувањето на повредените.
“Шест спасувачки хеликоптери, 30 спасувачки возила и 12 амбулантни возила се на должност. Покрај тоа, пристигна и противпожарна единица со 22 возила. Автопатот е затворен во двата правци”, пишуваат медиумите.
Според полицијата, двајцата возачи се здобиле со сериозни повреди, како и еден патник. Се уште не е познато колку патници имало во автобусот, но се знае дека тие се од Германија, Србија, Шведска и Израел.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните