Српската опозиција протестира поради изборна измама
Голем број луѓе се собраа денеска на протест на опозицијата пред зградата на српското Собрание, каде се наоѓа седиштето на Републичката изборна комисија.
Меѓу учесниците има повеќе партиски активисти со обележја на опозициските партии, кои го организираат протестот поради сомнеж во изборна измама и незадоволство од начинот на пребројување на гласовите.
Лидерите на неколку опозициски листи побараа денеска оставка на претседателот на РИК, Дејан Ѓурѓевиќ и на директорот на Републичкиот завод за статистика, Миладин Ковачевиќ, кои ги сметаат за актери на постизборното прекројување на изборните резултати.
Претседателот на ЛДП, Чедомир Јовановиќ изјави дека денешниот протест на опозицијата е борба за слободна, демократска и толерантна Србија, а не е борба за проценти.
Лидерот на СДС, Борис Тадиќ оцени дека легитимитетот на изборниот систем е доведен во прашање доколку не се почитува правото на само еден човек кој излегол на гласање.
Лидерот на движењето „Доста беше“, Саша Радуловиќ најави дека опозицијата на повторените избори на 15 избирачки места ќе настапи заедно и нагласи дека ова е „почеток на крајот на власта на Александар Вучиќ“.
Демонстрантите носат пароли „Гласови од гроб немаше ниту Слободан“, „РИК е еднаков на РИП“, „Спас за мојот глас“, „Вучиќ крадец, ги украде изборите“...
Од друга страна, пак, протести се подготвуваат и во Република Српска. И опозицијата и власта најавуваат свои митинзи следниот месец.
- Ако опозицијата на протестите собере 40.000 луѓе, како што најавува, јас ќе поднесам оставка и нема веќе да се занимавам со политика, изјави претседателот на РС, Милорад Додик.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање