Српска кошаркарка прозборе за семејната трагедија: Ми ја украдоа сестрата, уште не знаеме каде е
Славната српска кошаркарка Милица Дабовиќ во животот пребродила многу проблеми, а сега првпат проговори за својата семејна несреќа. Дабовиќ откри дека на нејзините родители им било украдено бебето кое било родено пред неа, и дека ни денес не знаат каде е.
-Тоа беше втора бременост на мајка ми. Пред тоа ја родила мојата сестра Јелица во 1974 година. Две години подоцна имала нормална бременост, девет месеци ги поминала без проблеми и после раѓањето докторите и рекле само дека бебето е родено мртво, вели Милица.
-Никогаш не го земала тоа бебе во прегратка, поради што и денес се прашува каде тоа дете исчезнало? Татко ми инсистирал да го земат детето, но тоа не му го дозволиле, му рекле дека такви се правилата на болницата. Во тоа време имало многу афери со крадење деца, бебињата ги прадавале, но што можеме ние освен да се прашуваме што било со неа. Тоа се случило пред точно 40 години, изјави Дабовиќ за Телеграф.рс.
Таа откри дека нејзините родители не ја тужеле болницата, затоа што целата работа била голем шок за нив. На нејзината мајка и требале 6 години да се опорави, кога ја донела на свет Милица.
-И понатаму се прашувам дали некаде имам сестра, како е, но добро е што ние четворица сме живи и здрави, фала му на Бога на тоа. Мајка ми и понатаму ја сонува секоја вечер, сестра ми требала да се вика Даница. Поради оваа случка, таа мене, Марко и Ана не роди во Цетиње, каде ја породил семеен пријател и секако се било во ред, вели Милица.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка