Средба за надминување на украинскиот конфликт во Белград
Американски и руски претставници в сабота ќе се сретнат во Белград за да разговараат за начините за надминување на конфликтот во Источна Украина.
На средбата, специјалниот американски претставник за конфликтот во Источна Украина, Курт Волкер и помошникот на рускиот претседател Владислав Сурков ќе разговараат за предлогот за распоредување мировници на ОН во зоната на конфликтот во Донбас.
Рускиот претседател Владимир Путин неодамна предложи разместување на мировници на ОН, со задача да ги штитат членовите на Мисијата на ОБСЕ, кои вршат мониторинг на линиите на разграничување меѓу проруските сепаратисти и украинските владини сили. Киев засега не даде зелено светло за ваквиот предлог.
Ова ќе биде втора средба меѓу Волкер и Сурков за разрешување на воениот конфликт во Донбас.
Вашингтон ја обвинува Русија дека не го почитува договорот од Минск за запирање на вооружените дејства и тврди дека се потребни дополнителни гаранции за преодниот процес, во кој Украина треба да ја преземе контролата врз териториите што сега ги држат проруските сепаратисти.
- Вашингтон се залага за почитување на територијалниот интегритет на Украина, изјави Волкер по првата средба со Сурков, што се одржа на 21 август во Минск.
Од друга страна, Москва бара усвојување на патокази за прекин на непријателствата во Донбас, нагласувајќи дека е против отцепување на регионот од Украина.
Лидерите на сепаратистите во Доњецк и Луганск, од своја страна, инсистираат на официјализација на рускиот јазик, спроведување на процес на демилитаризација, како и добивање на широка политичка и фискална автономија.
Ново на Сител
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир