Средба Попоски-Коѕиас во Брисел
Македонскиот министер за надворешни работи Никола Попоски денеска се сретнал со шефот на грчката дипломатија Никос Коѕиас, во рамките на состанокот на министрите за надворешни работи на НАТО во Брисел.
Грчкото МНР соопшти дека двајцата министри во дискусијата се фокусирале на мерките за градење доверба, особено на резултатите од последната рунда преговори што се одржаа минатиот месец во Скопје, како и на претстојната рунда преговори, која треба да се одржи следниот месец во Атина. Коѕиас исто така го изразил своето задоволство од првите позитивни резултати од процесот.
Грчкиот прв дипломат го прашал Попоски за неговите ставови за актуелните политички случувања во Република Македонија, изразувајќи надеж дека земјата брзо ќе се врати во нормала, во согласност со европските политички вредности и потребната демонстрација на култура на компромис од страна на сите политички сили во земјата , во корист на Македонија, но и на поширокиот регион на Југоисточна Европа, соопшти грчкото МНР.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите